Ao son do patrimonio inmaterial

Neste proxecto de recuperación patrimonial, ficamos moi sorprendidos/as coa cantidade de léxico que manexaba o noso alumnado e que na maioría dos casos non coñecían o seu significado. Hai que ter en conta que o noso alumnado ven de catro concellos distintos: Zas, Laxe, Cabana e Vimianzo. Así pois, hai léxico destas zonas que tentamos por en valor para que non caia no esquecemento.

Encargo do Instituto Lingua Galega (ILG)pola participación no Proxecta “Lingua, patrimonio e coñecemento tradicional”

¿En que consiste a recollida do léxico patrimonial?Descarga

Cuadernillo de recollida do léxico

Materiais de traballo

O SON  DA LINGUA

Ideas para unha reconciliación entre lingua e patrimonio… lingua para lembrar e identificar…. Lingua para crear…

Fontes, pazos, faros… son símbolos de tempos antigos e do seu legado cultural, porén non só herdamos patrimonio material xa que, por exemplo, a lingua tamén forma parte deste ben. E unha herdanza hai que coidala!

Os nenos e nenas de 2º ESO foron quen de respirar a beleza deste ben cultural común e inmortalizalo nas súas creacións literarias e artísticas a través de:

• Haikus. Creacións poéticas ligadas aos elementos arquitectónicos e paisaxísticos que parte dunha idea adaptada dos haikus-pop de Jack Kerouac.
• Reflexións narrativas ao redor de distintos elementos do patrimonio cultural e natural: carballeira, castros, castelo, fontes…
• Material audiovisual. Imaxe e vídeo sobre o elemento do patrimonio escollido polo alumnos e alumnas.

O material recollido preséntase mediante unha presentación musicada en formato de vídeo.

Só se os rapaces e rapazas coñecen o seu patrimonio poderán defendelo dos ataques. Se non son quen de emocionarse ante a pegada dos ancestros, se non son quen de eloxiar e difundir a súa beleza, a súa historia, entón perderán a súa esencial como pobo. Por iso, nada máis fermoso que percorrer o noso patrimonio imaxinando versos e canta creatividade sexa posible.

Traballo realizado por HORTENSIA ROMÁN GONZÁLEZ

De Festa en Festa, un percorrido polas principais festas e eventos deportivos que se organizan; o Trail da Filloa,  as Carballeiras de Baio e Zas, as xornadas Micolóxicas, Santa Margarida de Muíño, o Carme de Zas, etc Descarga

Ao son da fotografia

Ao son da fotografía é un proxecto levado a cabo por un grupo de alumnas de 2ºBACH de Imaxe e Son, o cal consistía na recollida de fotografías anteriores aos anos 70.

O obxectivo deste proxecto é crear un arquivo fotográfico que recolla o noso pasado cultural, principalmente enfocado no rural, o modo de vida e as costumes, mediante a edición e dixitalización das fotografías.

Dende o centro consideramos que a fotografía é un gran medio de difusión de coñecemento en todos os ámbitos. Aquí tendes a presentación que elaborou o alumnado

ACCESO Á PRESENTACIÓN

AO SON DA REGUEIFA

Dentro do proxecto “AO SON DO RURAL” chegamos ate Barcelona co Club de Regueifa do IES para buscar no barrio de Gracia a placa conmemorativa a Labarta Pose. Alí lle deixamos unha regueifa a modo de mostra do cariño que o seu pobo lle garda.

AO SON DOS LIBROS:

Vídeo resumo do II Mes do libro na Biblioteca